जी. एच. रायसोनी मेमोरियल छत्रपती संभाजी नगर स्पर्धा दिमाखात संपन्न

फिडे मास्टर आकाश दळवीने जिंकला जी.एच.रायसोनी मेमोरियल छत्रपती संभाजीनगर फिडे रेटिंगचा किताब

FM आकाश दळवीने ९ पैकी ८.५ गुण मिळवून स्पष्ट विजेतेपद पटकावत रु. ५०,०००/- रोख बक्षीस आणि चमकदार ट्रॉफी जिंकली. तेलंगणाच्या अव्वल मानांकित IM कुशाग्र मोहन याने ८ गुण मिळवत उपविजेतेपद पटकावले आणि त्यांना रु. ३०,०००/- चे रोख बक्षीस मिळाले. FM गौरांग बागवे (महाराष्ट्र) यांनी देखील ८ गुण मिळवले, मात्र टाय-ब्रेक स्कोअरनुसार त्यांना तिसऱ्या स्थानावर समाधान मानावे लागले. FM सुयोग वाघ, वेदांत पिंपळखरे, FM वेदांत पानेसर, प्रियांशू पाटील आणि वैभव राऊत यांनी ७.५ गुण मिळवले आणि टाय-ब्रेक स्कोअरनुसार अनुक्रमे चौथ्या ते आठव्या स्थानांवर राहिले.

बक्षीस वितरण सोहळा

मुख्य अतिथी श्री. अरविंद ढोबळे, IRS (सहाय्यक आयुक्त (निवृत्त), सेंट्रल GST) यांच्या हस्ते बक्षीस वितरण करण्यात आले. यावेळी विशेष अतिथी श्री. दिलीप वाकोडे (जनरल मॅनेजर, क्रॉम्प्टन ग्रीव्ह्ज लिमिटेड), श्री. हेमेंद्र पटेल (सचिव, औरंगाबाद जिल्हा बुद्धिबळ संघटना), श्री. भूषण श्रीवास (आयोजक सचिव व सचिव, कल्पना प्रकाश वेल्फेअर फाउंडेशन) आदी मान्यवर उपस्थित होते. स्पर्धेचे मुख्य पंच IA अजिंक्य पिंगळे (मुंबई) होते, तर FA अमरिश जोशी (उपमुख्य पंच) यांनी त्यांना सहकार्य केले. याशिवाय FA सागर साखरे, FA सतीश ठाकूर, FA अमित टेंभुर्णे, FA विलास राजपूत, SNA प्रयास अंबाडे, SNA शिशिर इंदूरकर, कृष्णा ठाकूर, केतकी देशमुख, प्रथमेश मचावे, पुष्कर डोंगरे आणि अभिजित वैष्णव यांनी पंच म्हणून काम पाहिले.

इतर विशेष बक्षीसे

मुख्य गटात टॉप 15 खेळाडूंना रोख बक्षीसे देण्यात आली. त्याशिवाय सर्वोत्तम वरिष्ठ खेळाडू (५५+), सर्वोत्तम महिला खेळाडू (१८+), सर्वोत्तम छत्रपती संभाजीनगर खेळाडू, सर्वोत्तम अनरेटेड खेळाडू, १४००-१६०० आणि १६०१-१८०० रेटिंग गटातील सर्वोत्तम खेळाडूंना रोख बक्षीसे देण्यात आली. लहान मुलांच्या वयोगटातील सर्वोत्तम खेळाडूंना (अंडर- ७,९,११,१३ आणि 1५) ट्रॉफी देऊन गौरविण्यात आले.

महत्वाच्या लिंक :

१. चेस - रिझल्टस - अंतिम निकाल

२. बक्षीस विजेत्यांची यादी :