मार्च २०२५ FIDE रेटिंग लिस्ट : विश्लेषण
१८ वा विश्वविजेता डी. गुकेश मार्च २०२५ च्या FIDE रेटिंग यादीत जागतिक क्रमवारीत तिसऱ्या स्थानावर पोहोचला आहे. ही त्याची कारकिर्दीतील सर्वोच्च रँकिंग आहे. आर. प्रज्ञानंदाने ८७ व्या टाटा स्टील मास्टर्स २०२५ मधील आपल्या शानदार कामगिरीमुळे तो १४ वरून सहाव्या स्थानी झेप घेतली. अरविंद चिदंबरम आणि लिओन ल्यूक मेंडोन्का यांनी बुंडेस्लिगा आणि वाएक आन झी येथे प्रत्येकी १.५ एलो रेटिंग गुण मिळवले. पेंटाला हरिकृष्ण यांनी विम्बल्डन ऑफ चेस या स्पर्धेमध्ये ८.६ एलो रेटिंग गुण मिळवून २७००+ क्लबमध्ये मुसंडी मारली. सध्या ७ भारतीय टॉप ३० मध्ये आहेत जो आजवरचा उच्चांकी आकडा आहे. कोनेरू हम्पीने FIDE मोनाको ग्रैंड प्रिक्स येथे आपले रेटिंग ४.६ गुणांनी वाढवले. वैशाली आर हिने टाटा स्टील चॅलेंजर्समध्ये ८.१ गुण मिळवून भारतिय क्रमवारीत आपले दुसरे स्थान परत मिळवले. फोटो: लेनार्ट ओट्स/टाटा स्टील बुद्धिबळ स्पर्धा
जागतिक क्रमवारीतील “टॉप १०” मध्ये तीन भारतीय
मार्च २०२५ ची रेटिंग यादी भारतीयांसाठी अतिशय उत्तम आहे. डी गुकेश, आर प्रज्ञानंद, अरविंद चिदंबरम, पेंटाला हरिकृष्ण, लिओन ल्यूक मेंडोंका, कोनेरू हम्पी आणि वैशाली आर हे सर्वाधिक गुण मिळवणारे आहेत. एप्रिल २०२५ ची रेटिंग यादी ७ व्या प्राग आंतरराष्ट्रीय बुद्धिबळ महोत्सव २०२५ मधील बदल प्रतिबिंबित करेल जी स्पर्धा सध्या ७ मार्चपर्यंत झेक प्रजासत्ताकातील प्राग येथे सुरू आहे.
महिला: हम्पी जागतिक क्रमवारीत सहाव्या क्रमांकावर राहिली, वैशाली भारताच्या दुसऱ्या क्रमांकावर परतली
चार भारतीय महिला टॉप २० मध्ये आहेत. त्या आहेत - ग्रँडमास्टर कोनेरू हम्पी, जागतिक क्रमवारीत सहाव्या क्रमांकावर, ग्रँडमास्टर आर वैशाली, जागतिक क्रमवारीत १४व्या क्रमांकावर, ग्रँडमास्टर हरिका द्रोणवल्ली, जागतिक क्रमवारीत १६व्या क्रमांकावर आणि आयएम दिव्या देशमुख, महिलांमध्ये जागतिक क्रमवारीत १९व्या क्रमांकावर. हम्पीने FIDE मोनाको जीपीमध्ये ४.६ एलो रेटिंग मिळवले जिथे ती दुसऱ्या क्रमांकावर राहिली. वैशालीने टाटा स्टील चॅलेंजर्समध्ये ८.१ एलो रेटिंग गुण मिळवून भारताच्या दुसऱ्या क्रमांकावर आली. गेल्या दोन महिन्यांप्रमाणेच टॉप १०० महिलांमध्ये दहा भारतीय आहेत.
देश :
फेब्रुवारी २०२५ च्या FIDE रेटिंग यादीत भारत ओपनमधील टॉप टेन खेळाडूंच्या सरासरी रेटिंगच्या बाबतीत दुसऱ्या क्रमांकावर होता, अमेरिकेपेक्षा ११ Elo रेटिंग गुणांनी मागे होता. फेब्रुवारी २०२५ च्या FIDE रेटिंग यादीत हे अंतर आता ७ पर्यंत कमी झाले असून लवकरच भारत पहिल्या क्रमांकावर दिसल्यास कोणालाच नवल वाटणार नाही!
